• انتيكا كل حاجة قديمة ليها قيمة . كرسى من ايام الملك فاروق . سجادة من الحرب العالمية الثانية كل ما تدوسى عليها تغلى . عقد او خاتم من ايام الملكة فريدة وغيرها . كل واحد فى حياتة انتيكا . كتاب ,صديق , ممثل , حب حياه , موقف , فيلم , مسرحية ... كل حاجة بتكون غالية علينا بتكون زى الانتيكا كل اما تقدم تغلى ...... حتى الفن " ادب , شعر....." بقى انتيكا . بس الانتيكا طول عمرها بتمشى على الموضة . يعنى بتليق على اى حد فى اى وقت . "القراءة و الكتب......." انتيكا قديمة. لكن متعتها مش قديمة .ممكن كتاب يسفرك بلد عمرك ما روحتها .. زى ما قالت الممثلة "Helen Mirren " فى فيلم ""IN KHEART انها راحت دول العالم كلها وهى فى مكتبة بيتها . فى برنامجنا هتسافر معانا كل يوم دولة و تدخل كل يوم عقل جديد , تفكير جديد , قصة ممكن تكون قصة شخص فى مكان بعيد. نسافر باله الزمن وقت ما ناس كانت عايشة وبالنسبة لينا انتيكا ...... وكل دة ومفاجئا ت كتير فى برنامج " انتيكا"........ اهلن بيكم النهاردة فى اول حلقة من برنامج " انتيكا " .

• فى اى رواية بيكون البطل لية قصة واحدة لكن فى رواية انتيكا اليوم الكاتب خلا للبطل اكتر من قصة بطل النهاردة لية اربع قصص لان الواحد عمر ما كانت حياتة كلها قصه واحدة .. هنتكلم عن رواية ..اربع علاقات... اربع قصص.. اربع شخصيات ...

مين فينا مسمعش عن رواية هيبتا رواية للكاتب محمد صادق قصة حتى الان ممكن تلقيها بتتعرض مسرحيات فى القاهرة و الكتاب فى المكاتب لحد دلوقتى . مبقتش اعد الطابعات الصراحة لانهم كتير . يلا : الله اما لاحسد : وهتتعمل فيلم قريب هينزل فى السينما بس لسة مكشفوش كل الممثلين فية لكن لحد دلوقتى الاكيد الممثلة كندة علوش واحتمال تمثل اخر شخصية فى الرواية وناس كتير بس دى اهمهم . الصراحة انا شخصيا متحمسة جدا انى اشوفه اكيد هيكون حلو .وبعد اما عرفت ان كندة علوش هتمثل فية كان نفسى اعرف الصراحة مين الى هيمثل دور البطل . بس الاكيد انو هيكون قمر زيها . واضح ان الفيلم دة الواحد هينبسط منة :) .

رواية هيبتا بتتكلم عن اربع قصص حب لنفس الشخص لكن فى اعمار مختلفة من حياتة . دة يكسر قاعدة شادية فى اغنية " القلب يحب مرة ميحبش مرتين " بس الصراحة محمد صادق قال الحق فى عصرنا الحالى الولد او البنت ممكن رتبطوا بعدد مهول من الناس وكل مرة العيب فينا اننا بنفتكر انها هى دى المرة الصح هو دة الوقت الى بجد المرة دى هننجح بس عمرنا ما فكرنا ان كان الوقت دة المناسب ولالا لان الواحد بيكون زى الطفل بيكون عايز يجرب حلاوة الموضوع بس مبيفكرش فى اذا كان هيكمل ولالا بعنى " ان كل واحد بيعيش اللحظة" ودى مش حاجة وحشة بس فى الوقت دة الواحد بيفكر بقلبة بس وبينسى ان ربنا بيكون مدينا العقل والقلب عشان نفكر بالاتنين . ممكن شخص تحبة بس متكملوش وتزعل وتتفرج على فيلم عربى قديم رومانسى وتاكل فشار وشوكولاتة كتير ويتخرب بيتك فى السوبر ماركت ومناديل البيت كلها تخلص . عشان مكملتش الموضوع. ويبتدى الف سؤال بدون اجابة . مكملش لية .انا فشلت لية . مين الى غلطان فينا .الواحد بيقعد يفكر فى دة كلوا كل يوم وتفتكر ان الوقت بيقف هنا . بص يا بنتى صلى على النبى مافيش حاجة بتقف على حد كدة كدة هتكمل وتتجوز وتخلف عادى جدا . ممكن تكونوا بحبوا بعض لكن لو كملتوا ممكن كان الحب دة يتقلب لكره فكر ولو لثانية واحدة ان كدة احسن ليك بكتير .فى رواية النهاردة البطل مش حب مرة واتجرح مرة وساب مرة بالعكس دة ساب اكتر من مرة . اربع مرات بسم الله ماشاء الله . نفسة حلوة .الحلو فى شخصيتة ان اما لقى حب حياتة بجد لقاها زى السحر عكس كل مرة فى الثلاث مرات الاولى .حد شبهة بدون ما يتكلم معاها فى الاول . اتسحر بيها من المرة الاولى . طول حياتة مفكرش ان ممكن يقابلها بالطريقة دى . المشكلة الى كانت عندة انة كان بيدور على الحب فى كل واحدة بقابلها ويعجب بيها . لكن فى المرة الوحيدة الى مفكرش واستسلم ان يلاقيها وان اختيراته كلها غلط . لقاها . كان بيفكر فى الموضوع الحب والارتباط زى اى واحد ان هيقابل حب حياتة زى اى فيلم اجنبى رومانسى او رواية او غيرها زى ما كلنا بنفكر .ونستنى ان الى حصل فى الفيلم يحصلنا ان هعرفها لو فيها الصفات الى انا محددها وبحبها فى اى شخص .شكلها يكون حلو وطول كذة واللون كذة وغيرة بس عمرنا ما فكرنا ان مش كل حياه شبة التانية لان لو كل واحد حياتة شبه غيرة مكناش هنعرف نعيش ربنا خلقنا مختلفين فى كل حاجة نقابل اشخاص مختلفين نحب ناس مختلفة بطريقة مختلفة عشان كل واحد يتمتع بحياتة زى ما هى موجودة يستنى الى هيحصل بكرة بشوق وتفاؤل . مش يكون عارف الى هيحل عشان حصل لحد تانى . استنى القصة الاحلى لان طول ما انت لسة عايش يبقى لسة فى قصة تانية احلى واجمل من الى قبلها لانها لو مش احلى يبقى عمرها ما هتكون قصة حلوة فى اولها . استنى وحيش كل قصة بحلوها ومرها عشان كل جزء من القصة مهما كان حلو او وحش لية لزة و متعة خاصة . عشان كدة عيش كل قصة فى حياتك كانها القصة الاخيرة .....

• “عشانك إنتِ أنكوي بالنار وألقح جتتي وادخل جهنم وانشوى واصرخ واقول يا لهوتي”

عينى بترف: ليلى مراد وشخصة انتيكا اليوم " الضاحك الباكى " ودة كان اللقب للممثل . " نجيب الرحانى " فى ناس كتير متعرفش غير الاسم بس " نجيب الرحانى" الناس لقبوه بالضاحك الباكى لانة من المثلين القدام الى كانوا بضحكوا الجمهور لكن كانت حياته حزينة. وهو شخصية عبقرية .

• كان من عائلة غنية جدا , والدة كان تاجر خيول . بس بعد كدة افتقر . معلش هنقول اية " العين فلقت الحجر " . كان حظوا حلو وكمل المدرسة لحد اما خلص البكالوريا " الثانوية العامة " فى وقتنا الحالى . وكمان بيشارك فى فرقه المسرح بتاعت المدرسة وبيمثل فيها وكان متميز . بعد كدة طبعا معرفش يكمل تعليمة فى الكلية عشان كان لازم يشتغل ويصرف على امة واخواتة . واشتغل بالثانوية العامة مساعد بش كاتب ودى الشغلانة فى عصرنا الحالى بطلع عين الواحد عشان يخلص كلية تجارة ويشتغلها والكلام دة لو كان حظوا حلو . عادى الكلام دة " ايام الزمن الجميل " . وبعد كدة اشتغل فى night club . ايون كبارية . عادى الشغل مش عيب . واحدة واحدة بقى يمثل فى مسرحيات زى. _وصية كشكش بيك . _ريا وسكينة.

• _حمار وحلاوه. _حماتك تحبك.

• وغيرها حاجات كتير جدا... وكانت اغلبية اعمال نجيب الرحانى مسرحيات . لكن كانت الافلام 10 بس .

• منها لعبة الست , حوادث كشكش بيه , وياقوت افندى , غزل البنات

• وكان فيلم غزل البنات اخر فيلم بيمثل فية نجيب الريحانى ومات قبل اما الفيلم يخلص . والفيلم دة كان علق علية دكتور فى new york film academy وهى من اشهر الاكاديميات فى امريكا او فى العالم بمعنى اصح . قال ان فيلم غزل البنات وتمثيل نجيب الرحانى فى قمة الابداع . نجيب الريحانى كان من الممثلين الى يتكلموا فى المواضيع الى بيحبها وسياسية بطريقة كوميدية . يعنى " بيخبط فى الحلل" بدون ما يكون غلطان . بدرجة انه ساب مصر عشان اتكلم على الملك فى قصرة ونقده . بعد ما الملك طلب منة يمثل مسرحية فى القصر . وكانت المسرحية عن ملك ظالم وشعب مقهور. طبعا بعد كدة اضطر انه يسيب مصر . لانة مقدرش يستحمل حرية الراى والديمقراطية الى فى مصر.عزل البنات كان من اهم اعمال نجيب الريحانى وكانت اخراعمالة للاسف الشديد . وكان فى قمة الابداع . اكيد لو حد يكون اتفرج على الفيلم مش هيقدر ينسى ان سبب ان الدولة تعلى اجور المعلمين كان مشهد فى الفيلم ." القهوة الى على الريحة" فى المشهد دة صعب عليا الكلب اووى بقالة اسبوع ملوش نفس ياكل  .

• عشان كل دة واكتر مينفعش ننسى واحد من اروع الممثلين فى مصر . انتيكتنا النهاردة... لحد دلوقتى لو عايز تضحك ممكن تقعد على النت وتتفرج على نجيب الريحانى وعبد الفتاح القصرى "طبعا للناس الى مش عارفة عبد الفتاح القصرى دة يا جماعة الى كان بيقول جملة القلش الشهيرة كلمتى مش هتنزل الارض ابدا "

فى اى زمن ووقت الجملة واحدة :من جد وجد : يعنى مترمبش على طول حجتك على الظروف سواء انها ظروف شخصية او الدولة الى انت عايش فيها ناس كتير بنفتكرها لحد دلوقتى بسبب مجهودهم . ودة كان نفس راى واحد من الشعراء الحاليين فى مصر تعب عافر عشان يوصل للى هو فية دلوقتى بعد الفاصل هيكون معانا شخص بيحب القهوة جداا وبيحب يسمع فيروز و انغام .